Тываның школаларында «Күш-ажылга болгаш камгалалга белен» деп школачы спортчу лиганы боттандырып турар
2022 чылдың төнчүзүнден эгелеп, Тываның школаларынга ВФСК талазы-биле «Күш-ажылга болгаш камгалалга белен» деп школачы спортчу лиганың боттандырылгазы эгелээн. Ниити билиг албан черлеринде класс шактарын, кичээлдерин, тайылбыр беседаларны, школаларда ГТО киирериниң дугайында теориялыг кичээлдерни база кижизидилге чорудуунче ГТО киирериниң дугайында өөредилге-методиктиг семинарларны эрттирип турар.
Лига иштинге өөредилге чылының дургузунда дараазында хемчеглер эрттирери планнаттынган:
ВФСК (ГТО) нормативтерин (тестилерин) күш-культура кичээлдеринге болгаш спортчу угланыышкынныг кичээлден дашкаар ажыл-чорудулгазынче шиңгээдири;
ТР-ниң өөредилге адырында тус чер бот-башкарылга органнарының база муниципалдыг төптерниң тестированиезиниң аразынга демниг харылзаалыг кол угланыышкыннарының дугайында дугуржулга чарары;
муниципалдыг лиганың байырлыг ажыдыышкыннары;
ГТО нормативтерин (тестилерин) дужаар талазы-биле муниципалдыг болгаш школачы хемчеглер;
«Күш-ажылга болгаш камгалалга белен» ВФСК талазы-биле шалыпчы ай.
Школачы спортчу лигалар муниципалдыг деңнелде юридиктиг эвес хөй-ниити каттыжылгалар хевирлиг кылдыр тургустунуп турар. Февральда уругларның-чалыы спортунуң хөгжүлдезинге эки өскерилгелерни бээр спорттуң өске хевирлеринге база немелде муниципалдыг школачы спортчу лигаларны тургузар.
Лиганың кол сорулгазы – күш-культура кичээлдеринче болгаш спортче өөреникчилерни хаара тудары, школа спортун нептередири болгаш сайзырадыры, ниити билиг организацияларында өөреникчилер аразынга спортчу болгаш күш-культура хемчеглерин эрттирери база организастаары.
Сагындырып каар чүүл – ГТО-нуң алдын, мөңгүн азы хүлер тергиин демдектиг абитуриентилер өөредилге албан черлеринче өөренип киреринде ЕГЭ болгаш ОГЭ шылгалдаларынга немелде баллдарны ап болур. А студентилер шак ындыг демдектери-биле бедиткен академиктиг стипендияже кордап болур. А башкылар чедир төлевир кылдыр стимулдуг немээшкинни ап болур. ГТО талазы-биле школачы спортчу лигалар хемчеглери 2023 чылдың май 30-ге чедир уламчылаар.